مخاطر عملية المراجعة| إدارة المخاطر | Audit Risk

العلاقة بين بين مسدسي الـــ ريتاي بارون ومخاطر عملية المراجعة
لو مش بمهارة قراءة م بين السطور
الخلاصة بدون قشور في أول تعليق
.-.-.-.-.-.-.-.-.-.-.-.
مرة كنت رايح أنا والحاجة ماما مشوار وكان معايا مسدسي
المهم سبحان الله ومرة واحدة ومتفهمش ليه وازاي وامتي وكيف
لقيت كمين شرطة علي ناصية الشارع اللي رايحينه
وقتها مكنتش لابس جاكت ، ومكنش ينفع أخبي الريتاي
ومتأثرا بفيلم "عبود ع الحدود" ولكون أمي أعظم عظمات الستات
قلت للحاجة : " ماما خدي خلي المسدس دا معاكي عشان ميقعش مني "
المهم عدينا الحاجز وأفراد الشرطة
طبعا مش هقول للحاجة هاتي الحاجة علي طول
بس عيني لمحة كده وهي ماشية جمبي
لقيت الحاجة ماسكة المسدس في ايديها
أنا صعقت بس حسبتها لسه مطلعاه من شنطتها
قلتلها : " هو انتي طلعتي المسدس من الشنطة ليه ؟"
وببراءة الأطفال في عينيها قالت لي :-
"أنا سيبت في ايدي عشان لما تعوزه اديهولك علي طول "
وهنا الحقيقة في اللحظة دي مبقتش عارف سبب محدد لرغبتي في البكاء
هل هو #حنان_الأم ... الحاجة مستحملتش علي أطلب وتتأخر في إجابة طلبي
( طب م أنا بقالي 4  بقولك شوفي لي عروسة ومنفضالي اشمعن دي )
أم هل هو ما قد كان سيحدث لي عندما يستمع الضابط لاجابتها هذه
وبغض النظر عن مشاعري ساعتها
خلينا نتفق أنه #إدارة_مخاطر_العملية كانت منطقية علي النحو التالي
.-.-.-.-.-.-.
المسدس فيه #خطر_كامن
وجوده في حد ذاته كده مرتبط بخطر
واحد داخل علي كمين ومعاه مسدس !!!
كأنك داخل علي إقفال ومعاك إيرادات
مثلا شركة واخدة قروض مرتبط بحجم أعمال معين
مهو طبيعي هيبقي فيه خطر كامن في الإيرادات
الشركة اساسي لو الايرادات قلت هتعجل بالاعتراف بيها
عشان تستوفي المتطلبات
معيار الغش 240 المصري قالك
اعتبر الايرادات فيها مخاطر اشتغل علي الاساس دا
ولو اشتغلت علي انه مفهاش قولت كده علي اي اساس ؟
إنما المعيار الدولي قالك بسم الله كده خطط علي انه الايرادات خطر
.-.-.-.-.-.-.
حفظ المسدس #خطر_رقابة
طبعا بصفتي محاسب قانوني فلازم طبعا اقرأ بيئة حياتي
وأعمل إجراءات تكتشف أي انحرافات عن المسار العام
فطبعا لأنه في قانون أسلحة وذخائر في مصر
فكان طبيعي انه اجراءاتي للرقابة تكتشف الخطر وتتعامل معاه
يعني مستندات حيازتي للمسدس ليست مخالفة للقانون
بس هدخل في حوارت عقيمة جدا وفقا للبيئة
اللي هو مثلا حتي لو الايرادات تمام ومفهاش خطر كامن
بس مهو ممكن تتكتب فاتورة غلط أو تطلع من غير اعتماد
او يتصرف من المخزن صنف من غير يستوفي اجراءات
يبقي هنا بقي نعمل رقابة تحمينا وتضمن تحقيق الأهداف
.-.-.-.-.-.-.
المسدس مع الحاجة #خطر_عدم_إكتشاف
بصراحة عشان بتغاظ من الستات اللي بتعدي في المترو
من غير م تحط شنطتها علي جهاز الكشف
قلت طبعا وانا هفضل اتغاظ كده
طيب م انا استغل الحتة دي .. أنا كمان
خدي يا حاجة المسدس خليه معاكي
الستات وقت الجدل نصف المجتمع ومساواة
ووقت الجد .. ولو هنشيل اوبح .. يبقي فين الشهامة وتشيل اوبح لوحدك
بالظبط زي المراجع القفا اللي متصور انه عينة المراجعة
تبقي أكبر 100 عميل وأكبر 100 مورد وأكبر ....
طيب مهو أنا كده هظبطلك الحاجات دي
وألعب براحتي في غيرهم
لاني واثق انك مش هتكتشف غير اللي بتبحث عنه
.-.-.-.-.-.-.
الثلاث أخطار دول
نضربهم في بعض يطلعولي خطر العملية كلها
ولأني إتزنقت اني لازم اتعامل مع الخطر
اتعاملت معاه في كل نوع بالطريقة اللي تناسبة
تجنب الخطر  - تقليله - نقله إلى جهة أخرى
طبعا دا بعد م حددت الإخطار في الأولي وقيمتها
أكيد يعني مكنتش هسلم أمي عشان مش بتشوف لي عروسة
راجع أول تعليق لشرح كيفية تقييم الخطر في المراجعة


.-.-.-.-.-.-
عملية المراجعة الهدف منها ابداء الرأي علي القوائم
وحيث ان المراجع عليه قيود تتعلق بالأدلة التي يحصل عليها ومدي مصداقيتها وحسمها
وحتي القوائم المالية ذاتها تطولها مخاطر تتنوع بين شقين
شق يتعلق بمخاطر الحسابات نفسها واحتمالية تعرضها الحساب لخطر تحريف
وشق يتعلق بعجز اجراءت الرقابة في الشركة عن التعامل مع الخطر
وبذلك نجد 3 انواع مخاطر :-
المراجع : نصيبة خطر عدم الإكتشاف
الشركة : نصيبها خطر متأصل أو كامن + خطر الرقابة
وحيث أن نواة الجودة في عملية المراجعة هو التخطيط
وحيث أن محفز التخوف في المراجعة هي مخاطرها
لذلك فإن التخطيط لإدارة المخاطر يتم بالتسلس التالي
1- تحديد المخاطر ( كل حدث قد يؤدي إلي مشكلة)
2- التعرف عليها  ( الطبيعة والخصائص والتصنيف)
3- تقييم المخاطر ( نتائج هذه المخاطر )
4- إدارة المخاطر ( التجنب – النقل – التقليص – القبول )
وليست وسائل الإدارة اختيارية
وانما يتم تحديدها كمصفوفة توازن خطر المراجعة المقبول في العملية
بمعني
عندما يتم تحديد خطر مراجعة مقبول في عملية مراجعة قوائم شركة طلعت مصطفي مثلا
بمستوي 5 % وهو ما يعني ان مستوي الثقة المطلوب هو 95 %
اذا مطلوب ان يكون مكون معادلة الخطر ناتجه = 5 %
بمعني حاصل ضرب
(خطر الرقابة × الخطر المتأصل ) × خطر عدم الإكتشاف = 5 %
وبتطبيق مفهوم إدارة الخطر السابق عرض
يتم تحديد والتعرف وتقييم كل خطر
وحيث يمكن للمراجع التحكم فقط في خطر عدم الاكتشاف
فانه يتحتم عليه زيادة إجراءت المراجعة لتخفيض هذا الخطر
في حالة تضخم الأخطار المتعلقة بالعميل


الاصول غير المتداولة | Non-current assets

ذا زفت ممونت .... لما تتزنق في قعدة مع أبوك
اللي بيحب يتفرج علي أحمد موسي ..... أرزع
.-.-.-.-.-.-.-.-.
أعزائي المتابعين ننتقل الأن لبث مباشر
لإفتتاح فخامة الرئيس / عبد الفتاح القصري
مخطط المجاورة الأولي
بحي الأصول غير المتداولة بمدينة المحاسبة
في إطار سعي سيادته للقضاء علي الشباب
آه ياعم إنت قريت صح  .... "إفتتاح مخطط "
إيه دا.... لا... لا لا طبعا ... مش القضاء علي الشباب
دي إتكتب غلط .. " القضاء علي مشاكل الشباب"
صلحها يا حسين إنت من عندك

مع الاعلامي البارع المانع الرائع / احمد موسي
.-.-.-.-.-.-.

أعزائي المشاهدين أنا الحقيقة مبسوط جدا
المخطط رائع جدا وفعلا شكرًا للهيئة الهندسية
إحنا لولاهم كان زمانا زي ألمانيا واليابان فعلا والحمد لله
<<<<
نقدر نشوف روعة التصميم في بداية مدخل المجاورة
هنلاقي حضرات المشاهدين إستراحة
تستقبل فيها ادارة المجاورة المعاملات المطلوب تبويبها
هناك تقدر تتعرف عليها وعلي جوهرها مش بس شكلها
<<<<
وبعدين تطلع

الاعتراف بالبنود المحاسبية في القوائم المالية | Recognition

ذا فانتازيا ممونت لما عزمت شركاء البيج فور
علي خمسينة شاي عندي في شقتي عشان أخطب بناتهم
محمد يحي – هشام الأفندي – محمد المعتز – أحمد عوض – شريك ضرائب

.-.-.-.-.-.-
بصفتي كان نفسي أدخل هندسة بس أبوية دخلني علمي علوم
فرحت داخل تجارة وخدت طالب مثالي بس اشتغلت دعم فني
وماشي بالباسبور بس مش عاوز أسيب البلد
فطبيعي إنه بجملة الجنان أتصور إنه عمالقة
المهنة يقبلوا عزومتي عشان يتفرجوا علي شقتي
اللي ناوي إتجوز فيها العروسة اللي مش بدورعليها
بس لأنهم عمالقة المهنة فطبيعي دي تبقي تعليقاتهم
.-.-.-.-.-.-
محمد يحيي
مستشار مؤسسة حازم حسن
ورئيس مركز تدريب جمعية المحاسبين والمراجعين
حاجه جامده جدا جدا في المراجعة وروحه حلوة قوي
" إيه دا يا محمود !!!!!
هو بسم الله الرحمن الرحيم كده انت عارف يابني انه
أنا المراجعة ... أنا أصلا المعايير كلها  .... عارف دي ولا لأ
هو مش فيه حاجه إسمها تخطيط ينفع تشتغل من غير تخطيط
انت مرة واحدة دخلتني شقة وقلتلي إعتراف
وإنت اصلا موضحتش التعريفات
يابني المعيار يعني المقياس والتعريف يعني العنوان
والنطاق يعني الحيطان .... ليه كده يابني بس !!!
طب يا حبيبي لما أحب اجيلك تاني في الاصول مثلا
أعرفها ازاي عشان أعترف بيها يابني !!!!
مش الأصول انك تعرف الاصول
وبعدين تقصد ايه يا بني بحكاية باب المطبخ دي

حساب الضريبة علي المرتبات | تسوية كسب العمل | حساب الراتب الاجمالي بمعلومية الصافي | Payroll Tax

كيفية حساب الضريبة وفقا لأحدث تعديلات قانون ضريبة الدخل
الصادرة بالقانون رقم 82 لسنة 2017
وتفسيرها في الكتاب الدوري 35 لسنة 2017
شرح معادلة حساب الضريبة علي دخل الاشخاص الطبيعيين
شرح المعادلة العكسية معرفة اصل المبلغ بمعلومية الصافي
مفيدة لإستخدامات مختصي الموارد البشرية لتحديد رواتب التعيين
نماذج لتسويات الضريبة علي المرتبات
لتحميل شيت الإكسل

جودة المراجعة | الكفاية والملاءمة | أدلة المراجعة | Audit evidence

من #مفاهيم_جودة_المراجعة
مقاييس الكفاية والملاءمة لأدلة المراجعة
*.*.*.*.*.*.*.*.*.*.*
هو الحقيقة كان يستاهل قوي
كل مرة رخامة غلست بيها عليها
عشان كده
لما كان موجود مرة وانا بفضي شنطتي
وإستغرب قوي البوصلة والميزان
مرضتش اريحه ....وقلتله :-
#) هو انت تعرف عني اني بشيل حاجه ملهاش لزمه يا ريس ؟!
*) قالي ايه اللي ممكن تحتاج بوصلة وميزان الكتروني فيه
#) قلتله طب  م انت كنت بتستغرب البنسة المعدن برضة
لغاية اليوم اللي اللي كوتش عربيتك ضرب واحنا ع الطريق
ومكنش معاك اي حاجه نفك بيها غطا الفردة
*) افهم ايه فايدة البوصلة والميزان في شنطتك
#) شوف يا ريس جودة المراجعة
تطلبت في شأن الحصول علي أدلة المراجعة
تميزها بصفتين الملاءمة والكفاية
عارف انت الحتة دي ...

شرح معايير المحاسبة المصرية | الاستثمارات في شركات شقيقة | معيار رقم 18 | Investments in associates

ضمن سلسلة شروحات معايير المحاسبة المصرية
نشرح معيار المحاسبة المصرية رقم 18
 " الاستثمارات في شركات شقيقة "
التفرقة بين أنواع الإستثمارات والمعيار المحاسبي لمعالجة كل نوع
معالجة الاستثمار في شركة شقيقة في القوائم المستقلة والقوائم المجمعة
طريقة حقوق الملكية والاستثناءات من تطبيقها عند تجميع الشركة الشقيقة
القيود المحاسبية بإجراءات طريقة حقوق الملكية

الميثاق العام المصري لآداب وسلوكيات المهنة | Accounting Ethics

س 1 استخرج خطأ في هذا الكوميك ؟
(بخلاف انه محلل نظم لسه متسابه في التوقيع بتاعي)
س2 استخرج موطن جمال من الكوميك ؟
(يمتنع البنات .. البنات تجاوب عادي بس اقصد متقولش موطن الجمال البنات يعني  )
.-.-.-.-.-.-.-.-.-.-.-.-.-.-.-.-.-.-.-.

بعد نجاحكم الممتع في استخراج الخطأ في فاتورة سمير وعلي
والمتمثل في تحديث سيستم الشركة
بسعر ضريية 14 % بتاريخ 30-06 بدلا من 13 %
رغم عدم استحقاقها بهذا السعر سوي اعتبارا من 01-07
ولانه ما شاء الله كمية التفاعل وكفاءة الاجابات كانت مشرفة
.-.-.-.-.
قررنا نصعب المستوي شوية ونعدد المسابقات
بستهدف تنمية مهارة الانتباه للتفاصيل والاعراض عن المشتتات
دي مهارة مراجعة هتحتاجها لما معطيات المراجعة تخدعك
وتشتت انتباهك عن الخطأ أو الخطر الحقيقي
وللاسف المهارة دي مش هتلاقيها في المعايير لانها مش الأهمية النسبية
ومش كفاية اللي إتكتب في معيار الغش 240
ولا ليها ذكر في الميثاق العام المصري لآداب وسلوكيات المهنة
مع إنه